E vieneme vicino, damme ‘a mano,
facimmo ancora ‘a stessa cammenata
dint’’o ciardino; l’aria s’è scarfata
e ‘o sole nun è cchiù tanto luntano.
Certo, po’ venarrà l’ombra d’’a sera…
Ma si te trova ancora ‘nammurata
astrignarrà sti core, avvellutata,
liggera e doce, comm’a na preghiera
ditta primma d’’o suonne, sottovoce,
doppo nu juorno ‘e lacreme, ‘e fatica…
Tu forse ‘o ssaie: se fa cchiù leggia ‘a croce
si ll’aiuta a purtà na mano amica.
Giuseppe Carullo
ANTONELLA CARULLO 