Casa pe’ casa
passo pe’ passo
cunosco a ttè,
strada d’ ‘e suonne cchiù doce,
strada ‘e nu tiempo felice!…
Sona, maie stanco ‘e sunà,
stu rilorgio d’ ‘a Cchiesa…
n’ha visto ‘e vocche ‘e vasà
sta funtana curtese…
Mò, ca so’ n’ombra che torna,
chi penza cchiù a mmè?
Chella ca mò nun me sape,
che maie po’ sapè?
Strada d’ ‘e suonne amate,
strada d’ ‘a gioventù,
comme t’aggio perduta?
Nun m’arricordo cchiù!
Iuorno pe ghiuorno
nu mese… n’anno…
Ch”e conto a ffà?…
Aggio aspettato sunnanno…
Aggio campato, murenno…
Core a chi maie può cuntà
tutt”e llacreme amare?…
Ah, si putesse parlà
chella luna straniera!…
Mò, ca so’ n’ombra che torna,
chi penza cchiù a mmè?
Chella ca mo nun me sape,
che maie po’ sapè?
Strada d’ ‘e suonne amate,
strada d’ ‘a meglia età,
comme t’aggio perduta?
… Ma chi s’ ‘a po’ scurdà?!
Piedigrotta “Cioffi” 1954
Incisa da Sergio Bruni su dischi “La voce del Padrone”
Da Alberto Berri su dischi “Vis Radio”
ANTONELLA CARULLO 