Comme so’ triste
sti ghiurnate senza sole.
Comme so’ fredde
sti serate senz’ ‘e te!
Chiove… Chest’acqua
fa murì tutt’ ‘e vviole…
e se ne more
na speranza mpiett’a mme.
M’aggio sunnato
nu ciardino chino ‘e rose.
Me so’ scetato…
‘e spine so’ rimaste a mme.
Vicino a ‘e llastre
da fenesta, fredde e nfose,
scrivo nu nomme
e se cancella… ‘o tuoio, Carmè!
Comme so’triste
sti ghiurnate senza sole.
Comme so’ fredde
sti serate senz’ ‘e te!
Giuseppe Carullo
ANTONELLA CARULLO 