Ah, comm’è triste sta chitarra mia,

mo ca sta abbandunata ‘nfaccia ‘o muro.

Mo ca pe’ mme tutt’è malincunia

e l’uocchie sò lucente e ‘o core è scuro.

Guardo stu sole che tramonta, ‘o sole

che more lentamente. E penzo a tte,

Bene passato, e cerco ddoie parole

pe’ na poesia ca te parlasse ‘e me.

E te dicesse ancora ‘e na passione

ca me faceva chiagnere e cantà…

Ma i’ mo nun saccio scrivere ‘e ccanzone

comm’ ‘e screvevo tanto tiempo fa!

Ombra ca me facive suspirà

vieneme ‘nzuonno, e portame p’ ‘a mano

luntano assaie, nun me ne fa addunà

ca giò stongo murenno, chianu chiano.

Giuseppe Carullo, Poesie (Edizioni Unione Napoletana Autori, 1971)

Vita mia, vita mia, vita mia, vita mi … te voglio troppo bene /te voglio troppo bene
Core mio, core mio, core mio, core mi … overo m’appartiene /overo m’appartiеne
Famme senti commе ajere /dimane po’ chisà
Famme sunnà ca te veco
Vita mia, vita mia, vita mia, vita mi … te voglio troppo bene /te voglio troppo bene