Se spanne pe’ ll’aria celeste

l’addore d’oro d”e bignè (pampuglie ‘e pastafrolla)

e se mmesca c”o profumo giallo d”e mimose.

Po’ ‘o cielo ‘mpruvvisamente se tégne ‘e grigio

e dint”a n’aria ‘e nuvole

‘a freddezza tagliente ‘e nu lampo

sceta nu suspiro ‘e viento

ca smove l’urdeme fronne cadute.

Comm”e ricorde

ca tutto ‘mzieme ruciuléano pe dint”o core.

Mò chiaro, mò scuro.

Giuseppe Carullo, Le stagioni del poeta