Nu silenzio ‘e luna, ‘ncopp’ ‘a nu mare d’asfalto. E luntano, ‘a stazione. Na staziuncella ‘e paese, n’uocchio ‘e luce, l’unica cosa viva dint’ all’aria blu. ‘A vita che corre, e se sperde, ogne tanto, ‘ncopp’ ‘e binarie d’ ‘e llusinghe ‘e dimane. Giuseppe Carullo, Nustalgia
Categoria: POESIE DI GIUSEPPE CARULLO
Vita
Vacante comm’a n’amante doppo na notte d’ammore. Busciarda comm’a felicità, vernice d’’o dolore. Vita. T’aggio curruto appriesso, speranze ncopp’a speranze, p’avè ‘npont’’o curtiell d’’e llacreme nu poco ‘e miele. E mò te ne vaie, me lasse accussì. Mò ca te stevo accummincianno a capì. Giuseppe Carullo, Le stagioni del poeta
Condividi:
UTTOMBRE
Alba d’uttombre. Miez’’o cielo opaco s’arape nu sipario ‘e nuvole e sponta na gardenia ‘e luce ianca ca s’allarga… s’allarga… e po’, mpruvvisamente, comm’a dint’a nu fummo ‘e bengale, s’appiccia e se fa rossa. Doppo nu poco, na cuperta ‘e nuvole cummoglia ‘o rrusso cu nu grigio cupo. E’ l’Autunno, l’Autunno! Se sfronna ‘o cielo … Continua a leggere UTTOMBRE
ANTONELLA CARULLO 